दोन जिवलग मित्र, लहानपण आणि शहाणपण
त्यांच्या मैत्रिचे लोक देत असत उदाहरण
एकावाचून दुसर्याला मुळीच करमत नसे
एकाला दुखलं तर दुसरा रडत बसे
लहानपण एकदा खूप मोठं झालं
शहाणपणाशी त्याने मोठं भांडण केलं
लहानपणाला भेटला नवा मित्र अता,
दुसरा कोणी नाही, तो तर वेडेपणा होता
शहाणपणाने सांगूनही लहानपणाने ऐकले नाही
लहानपण सारा वेळ वेडेपणासंगे राही
एक दिवस लहानपण वेडेपणासोबत निघून गेले
शहाणपण स्वतःच मग एकटे राहून वेडे झाले